ANJAAM…

Tham rahi meri saanso pe har pal tera naam hoga,
Khatam hogi jaha hadein dard ki wahin mera mukaam hoga.
Jab mere is safar ke aagaaz he zakhmi hua hai,
Toh tadapta he mere safar ka anjaam hoga.

Aankho se gir kar ansu mere zakhmo ko jalate hai,
Har pal baras kar ye mujhe kisi ki yaad dilate hai.
Ek muddat se pyasa hu main lehron ke saaye me,
Mere ye ansu bhi zami ki pyaas bujhate hai.

Dil ka haal toh main bayan bhi na kar paunga,
Toot chuke tukde kaha tak chun kar launga.
Kisi ko dil me mehfuz rakhne ki saza paayi hai mainey,
Ab kabhi kisi ko apne toote dil me na basaunga.

Mari aawaaz zakhmi hai aur siskiyon ka sahara hai,
Kaampti meri dhadkan me kahin maut ka isara hai.
Kabhi najuk ho kar dheere se dhadakti thi jo,
Aaj meri unhi dhadkano me dehshat ka nazara hai.

Jis din se mujhe khwabon se wafa hui thi,
Tab he se zindgi mujhse khafa hui thi.
Sirf ek he baar na toote hai mere khwaab,
Khwaab dekhne ki saza mujhe har dafa hui thi.

Khamosh hai zubaan, ragein meri thmi hai,
Khuli hai aankhe, saanse meri jami hai.
Inteha ho chuki hai khwaisho ki ab toh ,
Bhara hai dil mera, ek bas teri kami hai.

Ye saara zamana he meri nazar me qatil hai,
Har kisi ko ek khanjar yaha haasil hai.
Meri muskurahton me kayio ne saath nibhaya tha,
Ek sakhas bhi nahi jo mere maatam me shamil hai.

Jal raha hai mera dil aur dhuva hai zindgi,
Hai jurm gar pyar toh mujhe hua hai zindgi.
Ab hasna chhod ek alag he duniya bana li hai mainey,
Tanhaayi hai maut gar toh mainey usko chhuva hai zindgi.

Nazuk mere dil ko wafa karne ki saza mili,
Duniya toh duniya khuda ki bhi yahi razaa mili.
Accha he hua jo usne apni manjil badal li,
Mujhe bhi un raasto pe tanha chalne ki vajah mili.

Behte apne zakhmo se marham banana seekh liya mainey,
Bedard is duniya se nazre churana seekh liya mainey.
Kabhi jin beete lamho ko sahej ke rakha tha kahin,
Aaj unhi haseen yaadon se dil ko tadpana seekh liya mainey…

YAADEIN…

YAADEIN…

Voh sabnam ki boonde voh barish ki raat,
Voh sokh se jharne khuda ki saugaat.
Shamil hai mujhme teri ab bhi yaadein,
Voh aankho ka milna voh khwabo me mulakaat.

Voh masoom aadao se tera muskurana,
Mere pass aa kar nazre milana.
Shamil hai mujhme teri ab bhi yaadein,
Voh sharma ke mujhse nazre churana.

Vo nazro ka jaadu nazuk sa dil,
Kahani me mere sitare shamil.
Shamil hai mujhme teri ab bhi yaadein,
Saare jahan ki khushiya thi hasil.

Voh dariya kinare pehli mulakaat,
Voh lafzo ka teharna khamosh baat.
Shamil hai mujhme teri ab bhi yaadein,
Khoya tha dil beasar hue zajbaat.

Voh milne ka wada muskil tha intezaar,
Voh roshan safar me har pal bahaar.
Shamil hai mujhme teri ab bhi yaadein,
Voh aankho se chhina toone karaar.

Voh dhadkan me tum thi nigahon me tum,
Nigahon se pehle khayalon me tum.
Shamil hai mujhme teri ab bhi yaadein,
Dil me uthte sawalon me tum.

Voh tasveer teri mera muskurana,
Ek pal me dil ko tere chhu aana.
Shamil hai mujhme teri ab bhi yaadein,
Dekh kar tasveer usi me kho jaana.

Voh jheel si aankhe mera doob jaana,
Voh dariya ki boonde tujh pe girana.
Shamil hai mujhme teri ab bhi yaadein,
Pal bhar me tera khamosh ho jaana

Voh chupke se aa ke tujhko darana,
Voh naraj hona fir mera manana.
Shamil hai mujhme teri ab bhi yaadein,
Voh maafi me jhukna aur tera muskurana.

Voh galti ka ehsaas waade ka karna,
Voh jaane se pehle tera palatna.
Shamil hai mujhme teri ab bhi yaadein,
Voh aankho me judai ke aansu ko bharna.

Voh zuda hoti raahe nazro ka sahara,
Jaise mila ho kashti se kinara.
Shamil hai mujhme teri ab bhi yaadein,
Voh door se fir toone pukara.

Voh daud ke tujhko fir gale se lagana,
Aankho ke ansu tujhse chupana.
Shamil hai mujhme teri ab bhi yaadein,
Voh milne ka wada fir yaad dilana.

Voh najuk si aankho se aansu mitana,
Voh jaane se pehle tujhko hasana.
Shamil hai mujhme teri ab bhi yaadein,
Voh hotho pe hasi le kar tera fir jaana.

Voh raahon me mera aansu bahana,
Ek pal ki doori na seh paana.
Shamil hai mujhme teri ab bhi yaadein,
Teri tasveer ko fir dil se lagana.

Voh baarish ka thamna tufaan ka aana,
Majboor ho kar tera door jaana.
Shamil hai mujhme teri ab bhi yaadein,
Voh naye khwabo ke liye mujhko bhulana.

Teri hifaazat me fir haath uthana,
Aadhure khwabo ko dil se mitana.
Shamil hai mujhme teri ab bhi yaadein,
Duniya me kahi bhi tujhe dhundh na paana.

Voh tanhaiyo me fir unhi kinaro pe jaana,
Tumne sikhaya tha jaha waade nibhana.
Shamil hai mujhme teri ab bhi yaadein,
Voh dariya me saagar mera fir bahana.

Voh reh-reh kar dil me teri yaad aana,
Kabhi rona toh kabhi mera muskurana.
Shamil hai mujhme teri ab bhi yaadein,
Voh aankho ke aansu dil se bahana.

Voh kinaron pe tera intezaar karna,
Khwabon me har pal deedaar karna.
Shamil hai mujhme teri ab bhi yaadein,
Tu nahi toh teri yaadon se pyar karna…

BACHPAN…

Is kadar bhag rahi hai ye zindgi,
Ki saanso ki raftaar bhi kam pad gayi.
Har mod pe ek naya gam intezaar me hai,
Ab gamon se ladne ki had bhi kam pad gayi.

Kyun bhaag rahe hai hum jaane kis ki talaash hai,
Aakhir kya hai kami usme jo humare pass hai.
Khuda ne bakhsha ye sabse nayab tohfa tujhe,
E musaafir tere dil me ab baki kis ki pyaas hai.

Sochta hu is safar me yaha aa kar mujhe kya mila,
Paagalpan ki is daud me sookh gaya har phool jo tha khila.
Sukoon toh kisi baat ka juta na paaya main,
Baki raha toh bas takdeer se har pal ka gila.

Kabhi-kabhi un dino ko yaad karta hu,
Jab is zindgi ke maaiyne kuch aur the,
Aaj kabhi-kabhi khud se sarminda hona padta hai,
Par us daur me dil ke aaine kuch aur the.

Voh haste muskurate bachpan ke din,
Na khwaab the koi na khone ka gam tha.
Kuch lamhe me he bhul jaate the chot ko,
Na rote the dil se na ansu koi nam tha.

Najuk tha dil dhadkan meri najuk thi,
Dil me aane wali khwaish meri najuk thi.
Tab fikar kaha thi mujhe takdeer ki,
Haatho ki lakeerein jo meri najuk thi.

Kuch naya dikhne par dil ghabrata tha,
Aur kuch palon ke baad dil usme kho jaata tha.
Jo khud ko ajnabee samajh ke aata tha pass,
Voh kuch lamho me he humara ho jaata tha.

Maa ke ush pyare aanchal me pal bhar me so jaana,
Bhul ke saari duniya ke dar bas mefuz ho jaana.
Kabhi-kabhi khwaishon ko intezaar bhi sehna padta tha,
Kuch paane ke liye pal bhar me ro jaana.

Mujhe dekh kar sab muskuraya karte the,
Din bhar ke apne gam mere liye bhulaya karte the.
Jab kabhi chot lag jaati the mujhe,
Toh voh marham ke liye mujhe dil se lagaya karte the.

Sarabore thi fizayein pyaar me itni,
Saanse hai is saari bahaar me jitni.
Itni besabri thi sab samajhne ki mujhe,
Hoti hai najuk dhadkan iqraar me jitni.

Voh chhote se khilone man ko behlana,
Pa kar kuch naya dil ka itrana,
Jab toot jaaata tha khilona koi toh,
Khel apne khud he naye banana.

Voh baarish ki boondo me bijli se darna,
Voh aanchal me maa ke chhupne ki kosis.
Kuch he palon me voh fir se sambhalna,
Voh nanhi si boondo pe chalne ki kosis.

Gujarte he ja rahe the voh lamhe suhane,
Voh kagaaz ki kashti baarish ki zamaane.
Voh chhoti si baton pe naraz hona,
Bhula kar sikwe sab aate the manane.

Ab zindgi me har din ek nayi jung lad kar aata hu,
Kabhi zindgi mujhe toh kabhi main zindgi ko harata hu.
Bachpan me toh sooraj se bhi aankh mila liya karta tha,
Aur aaj in andhero me chand ki roshni se bhi sarmata hu.

Har pal me jo muskuraye aise the bachpan ke din,
Jo kabhi laut ke na aaye aise the bachpan ke din.
Yuh toh bahut kuch bhul jaate hai hum waqt ke saath,
Par is zindgi me jo bhul na paaye aise the bachpan ke din…

JASHN…

Meri mayyat ke saamne se yu chup-chup kyun ja raha hai,
Ye toh jashn hai meri maut ka, e ajnabee tu bhi shamil ho ja.

Chal khod ab kabar meri aur utha khanjar haath me,
Kar vaar laash par meri aur tu qatilon se bhi bada qatil ho ja.

Dekhe honge kayi rang tone zindgi me in aankho se,
Aa aaj mere is khoon ke rang se khud ko bhigo ja.

Tere haath me rakhe paimaane ko aaj tukdo me badal,
Gar baki hai khwaish toh in tukdo ko mere dil me chubho ja.

Nochta kyun nahi tu laash ko meri e dariya dil,
Ye khanjar le aur aaj darindgi ke tu hawaale ho ja.

Is kadar lahuluhaan kar fizaon ko, ki teri saanso se khoon tapke,
Aaj meri laash ko tu mere he khoon me dubo ja.

Thak jaaye gar tu toh cheel kavuon ko daavat de,
Tu bhi toh bukha hoga aa tu bhi is daawat me shamil ho ja.

Gar ho rahi hai band palke toh aa meri kabar ke saaye me,
Kar ehsaas sukoon-e-kabar ka aur tu meri aagosh me so ja.

Jab achanak teri neend khule toh naaraj na hona,
Ye in fizaao ki qatilana hasi hai tu bhi isme shamil ho ja.

Voh dekh meri kabar par har sham jashn manane wala qafila aa raha hai,
Tu kis intezaar me hai fir se usi haiwaniyat ke tu rang me kho ja.

Gar dekh sakta hai toh dekh aaj meri laash ka hasra,
Par pehle tu apne dil me basey dard se aazaad ho ja.

Yaha mehfil me jaam pathar nahi meri laash per tode jaate hai,
Chhod un phoolon ki rumaniyat ko aur kaanch ke khooni khel me shamil ho ja.

Ye jo noch raha hai meri aankhe issney aankho se dhokha khaya hai,
Teri nazron ko bewafai hui ho gar toh tu bhi iska saathi ho ja.

Yaha jo kured raha hai mera dil, ye toh dil ka bimaar hai,
Tere dil pe ho gar chot koi toh tu bhi aaj vehsi ho ja.

Abhi dekhna ye kafila mujhe rondta hua jaaega,
Gar tujhe khwaish hai toh tu bhi is kafeele me shamil ho ja.

Ye soch kar ki meri ragon me khoon baki hai dafnaya nahi jaata hu main,
Gar na hai yakeen toh dekh kaat kar rag meri aur khoon ke rang me kho ja.

Mukaddar bhi mera khooni hai, dard bhi mera khooni hai,
Tadap raha hai jo bahar pada dil mera, tu bhi aisa khooni ho ja.

Par ye kya tu toh darne laga hai is manjar ke aagaaz bhar se,
E ajnabee yuh ish tarah tu dar ke hawaale na ho ja.

Kahi soch toh nahi raha hai tu yaha se jaane ki,
Pagal na ban, le khanjar aur fir se suru ho ja.

Dekh meri laash ke kayi tukde ab bhi salamat hai,
Bhar aag seene me aur tu khud he aaj ek khanjar ho ja.

Le kachot mere jism ko aur mujhe aazaad kar,
Meri har rag se nikalte is khoon se tu aaj khud ko bhigo ja.

Is tarah bikheir mujhe ki mitti bhi mujh me ghul jaaye,
Aur fir is mitti ko mere khoon se bane dariya me dubo ja.

Mar toh pehle he gaya tha main, tu fikar na kar ilzaam ki,
Toone toh ek nek kaam kiya hai, ja ab sukoon bhari neend so ja.

Kehna zamane se, ki ek darinde ko anjaam tak pahucha kar aaya hu,
Laash bhi na chot pahuchaaye kisi ko, isliye mitti me mila kar aaya hu.

Tadapti hai laash, tapakta hai khoon aur tukde hota hai jism mera,
Duniya ki mehfilon ka toh pata nahi par laashon ke saaye me yahi hai jashn mera…

DARTA HOON….

Kuch aisi pehchaan bana li hai maine,
Ki ab toh apna naam sun ne se darta hoon.
Kahi maikhana khooni na ho jaaye,
Isliye main jaam uthane se darta hoon.

Is kadar dooba hu apne gamon me,
Ki ab toh khushi ke ehsaas se darta hoon.
Yuh toh kuch apne marham lagane ko bhi hai,
Apr main apni zakham dene ki fitrat se darta hoon.

Itne gunaah mere naam le rahe hai,
Ki ab toh nazrein milane se darta hoon.
Saza hai meri zindgi he mere liye,
Isliye ab maut ke ehsaas se darta hoon,

Koi bhi rishta nibha na paaya ab tak,
Isliye ab naya rishta banana se darta hoon.
Jaanta hoon ki kisi ka saath nibha na paaunga kabhi,
Isliye door ja rahe apno ko bulaane se darta hoon.

Aankho me he toot gaye mere sabhi armaan,
Ab toh main khwabon ke naam se darta hoon.
Falak se toote koi taara toh aankhe band kar toh leta hu,
Par fir khuda se kuch bhi maangne se darta hoon.

Itna tanha jiya hu main is zindgi me,
Ki ab toh mehfil ke naam se darta hoon.
Bina paaye he itna kuch khoya hai maine,
Ki ab toh kuch paane se bhi darta hoon.

Kahin ro na pade tanhaai mujhe dekh,
Isliye main tanha hone se darta hoon.
Na ho jaaye kahin ye zami lahuluhaan,
Isliye main askon ko girane se darta hoon.

Zindgi ke safar me log aate jaate rahenge,
Par main apni bhula na paane ki aadat se darta hoon.
Na khushi hoti hai na gam hai koi mujhe,
Par har pal pathar hote apne is dil se darta hoon.

Mehfil me mujhe seham kar baithna padta hai,
Kahin aa na jaaye tera naam zuba pe isliye zamane se darta hoon.
Fikar nahi mujhe apne is toote dil ki e humnafaz,
Main toh khud ko tere ansuo ki vajah banana se darta hoon.

Saari duniya se he chhupa kar rakha hai tujhe dil me,
Par har ek pal me aane wali teri yaadon se darta hoon.
Is kadar doob gaya hu tere pyar me e sanam,
Ki ab kisi aur ko ye dil dikhane se darta hoon.

Yun toh har zakham ke marham hai duniya me,
Par main koi bhi marham aajmane se darta hoon.
Tujhse kaise bayan karu ki ye zakham saza hai mere gunahon ki,
Jab main khud he tere saamne aane se darta hoon.

Tujhe paane ki khwaish toh na thi dil me kahbi,
Par bina paaye he tujhe main khone se darta hoon.
Basa rakha hai tujhe apni aankho me maine,
Isliye ek qatra ansu bhi ab main bahane se darta hoon.

Yuh toh fikar nahi mujhe bheed me chalne ki,
Par raahon par has kar mujhe ashik kehne waalon se darta hoon.
Main toh aane nahi deta hu tera zikar apni baaton me,
Par khamosh aankhe dekh jo pooche jaate hai un sawaalon se darta hoon.

Teri yaad me har lamha jeen ki khwasish hai meri,
Par har pal haath se fisalti in saanso se darta hoon.
Bas ek aakhiri baar tujhse milne ki khawish pe zinda hu,
Par zindgi ki ye baazi maut se haarne se darta hoon.

Dil zakhmi aur dhadkan bhi gunehgaar hai meri,
Ab toh main pyar ke har ehsaas se darta hoon.
Is kadar aadi ho chukka hu roz marne ka,
Ki ab toh zindgi ke naam se he darta hoon…